Dominus ac redemptor noster salutem humani generis desiderans, per divinam Scripturam ammonet ut quandiu vivimus operemur bonum. Iccirco {corr: Idcirco} ego Engelardus et filii mei Oddo et Vuidaldus donamus Deo et sanctis apostolis ejus Petro et Paulo Cluniensis cenobii aliquid ex rebus nostris, quę sunt site in pago Matisconensi, in agro Martiacensi, in villa Maxiliacensi: hoc est pratum qui terminatur a mane terra Sancti Petri et pascuale, a medio die via publica, a sero terra Constantini, a circio aqua currente. Infra istas terminationes, totum ad integrum donamus a die presenti, pro remedio animarum nostrarum, et ut ipsi monachi qui in hoc loco morantur meliores sint semper adversum nos; et post hanc diem de his rebus faciant monachi Clunienses quicquid facere voluerint in omnibus, absque ulla contrarietate. Si quis autem contra hanc donationem venire temptaverit, non valeat vindicare quod repetit, sed coactus auri libram unam persolvat, et inantea firma et stabilis permaneat, stipulatione subnixa. Actum Cluniaco monasterio. S. Engelardi, qui donum fecit et firmari rogavit, et filiorum ejus, qui consenserunt. S. Dadonis, Sieverti, Roberti, Arlei, Isengaudii, item Roberti, Dodonis et Girbergę, uxoris ejus, qui consenserunt. Data per manum Rotardi, anno vigesimo regnante Lothario rege.